बर्दिया । बर्दिया प्रहरीले अवैध पटाका बरामद गरी नष्ट गरेको छ । असोज ३१ गते सोमबार इलाका प्रहरी कार्यालय राजापुर बर्दियाबाट खटिएको प्रहरी टोलीले अवैध पटका बरामद गरेको हो ।
राजापुर नगरपालिका ०४ बिशाल बजार स्थित मनोज गुप्ताको घरमा कोठा भाडा लिई बस्ने राजा भन्ने मेराजुदिन अन्सारीले भारतबाट लुकाई छिपाई ल्याई भण्डारण गरी राखिएको अन्दाजी १ लाख २० हजार रुपैयाँ बराबरको १० बोरा विभिन्न पटाकाहरु प्रहरीले बरामद गरेको हो ।
उक्त पटाका ईलाका प्रशासन कार्यालय राजापुर बर्दियाका कार्यालय प्रमुख सुनिल दत्त, राजापुर नगरपालिका ०४ का वडा अध्यक्ष बिदुर पोख्रेल ,राजापुर भन्सार कार्यालयका प्रतिनिधी पत्रकार तथा स्थानियको रोहबरमा नष्ट गरिएको हो ।
