रुपन्देही । प्रतिनिधि सभातर्फ रुपन्देही क्षेत्र नं. ३ मा राष्ट्रिय प्रजातन्त्र पार्टीका दिपक बोहोराले अग्रता कायमै गरेका छन् । बोहोराले गृहमन्त्री समेत रहेका नेपाली कांग्रेसका उम्मेदवार बालकृष्ण खाँणलाई पछि परेका हुन् ।
उनले २७ हजार ६ सय ३१ मत ल्याएका छन् भने सत्ता गठबन्धनका उम्मेदवार बालकृष्ण खाँणले २७ हजार १ सय ५८ मत प्राप्त गरेका छन् । करिब १८ हजार मत गन्न बाँकी हुँदा खाँण ४ सय ७३ मतले पछि परेका हुन् ।
राष्ट्रिय स्वतन्त्र पार्टीका जितबहादुर तेलीले चार हजार ८८६ मतसहित तेस्रो स्थानमा छन् भने नागरिक उन्मुक्ति पार्टीका तुल्सीप्रसाद थारु ३२६९ मत पाएका छन् ।
