काठमाडौं । आँधीखोला लघुवित्तसँग मर्जर प्रक्रियामा रहेको सीवाईसी नेपाल लघुवित्तको सेयर कारोबार नेप्सेले फुकुवा गरेको छ । नेपाल स्टक एक्सचेन्ज (नेप्से) ले सीवाईसीको आधारभूत सेयरधनि बाहेक अन्य सेयरधनीको सेयर कारोबार फुकुवा गरेको हो ।

धितोपत्र दर्ता गराएका संगठित संस्था एक आपसमा गाभ्ने/गाभिने तथा प्राप्ति सम्बन्धि निर्देशिका अनुसार मर्जर प्रक्रियामा रहेको सीवाईसीले सेयर कारोबार फुकुवा गर्न अनुरोध गरेसँगै नेप्सेले कारोबार फुकुवा गरिदिएको हो । अव लघुवित्तको कारोबार मंसिर २५ गते आइतबारदेखि पुन: सुरु हुनेछ ।

सीवाईसी नेपाल र आँधिखोला लघुवित्त एक आपसमा मर्ज हुने सम्झौता भएसँगै नेप्सेमा यी दुई लघुवित्तको सेयर कारोबार रोक्का भएको थियो । हाल सीवाईसी लघुवित्तको चुक्ता पुँजी १२ करोड १६ लाख ४१ हजार ८ सय रुपैयाँ रहेको छ भने आँधिखोला लघुवित्तको ११ करोड ९० लाख रुपैयाँ रहेको छ ।