काठमाडौं । ट्वीटरबाट साढे एक अर्ब ट्वीटर अकाउन्टहरु डिलिट हुने भएका छन् । ट्वीटरका सीईओ एलन मस्कले ट्वीटर सम्बन्धी महत्वपूर्ण निर्णय सार्वजनिक गर्दै यस्तो घोषणा गरेका हुन् ।

एक अर्ब बढी अकाउन्ट डिलिट गर्ने घोषणा गर्दै अकाउन्ट डिलिट गर्नुको कारणसमेत उल्लेख गरेका छन् । ‘ट्वीटरमा स्पेस फ्री गर्नका लागि वा ठाउँ खाली गराउनका लागि करोडौं अकाउन्ट डिलिट गर्नुपरेको हो’– मस्कले ट्वीटरमा लेखेका छन् ।

कस्ता अकाउन्ट डिलिट हुन्छन् ?
ट्वीटरबाट डेढ अर्ब अकाउन्टहरु डिलिट गर्ने घोषणा गरेसँगै मस्कले कस्ता अकाउन्ट डिलिट हुन्छन् ? भन्ने विषयमा पनि प्रष्ट पारेका छन् । मस्कका अनुसार बर्षौंदेखि ट्वीटरमा लगईन नगरिएका वा कुनै पनि ट्वीट नगरिएका अकाउन्टहरु डिलिट हुनेछन् ।