काठमाडौं । विजय लघुवित्त र नयाँ सारथी लघुवित्त वित्तीय संस्थाबीच मर्जर सम्झौता भएको छ । सोमबार दुई संस्थाबीच मर्जर तथा प्राप्ति सम्बन्धी प्रारम्भिक सम्झौता भएको हो ।
गण्डकी प्रदेशको गैंडाकोटमा केन्द्रीय कार्यालय रहेको विजय लघुवित्त र काभ्रेको धुलिखेलमा केन्द्रीय कार्यालय रहेको नयाँ सारथी लघुवित्तले एक आपसमा मर्जर तथा प्राप्ति सम्बन्धी सम्झौतामा हस्ताक्षर गरेका छन् । दुई संस्थाबीच १ः१ को सेयर आदानप्रदान अनुपात (स्वाप रेसियो)मा मर्जरमा जाने प्रारम्भिक सहमति भएको छ ।
मर्जरपछि बन्ने संस्थामा सञ्चालक समिति अध्यक्ष नयाँ सारथी लघुवित्तबाट र प्रमुख कार्यकारी अधिकृतमा हालको विजय लघुवित्तका बसन्त लम्साल रहने सहमति भएको छ । मर्जर सम्झौता भएसँगै कम्पनीका आधाभूत सेयरधनीहरुको सेयर कारोबार रोक्का गरिएको छ ।
