">
- अर्थ सरोकार सम्बाददाता
काठमाडौं । नेपाल बंगलादेश बैंकले चालु आर्थिक वर्षको पहिलो त्रैमासको वित्तीय विवरण सार्वजनिक गरेको छ । बैंकले ५७ करोड ११ लाख रुपैयाँ खुद नाफा कमाएको वित्तीय विवरण विवरण सार्वजनिक गरेको हो । बैंकको यो नाफा अघिल्लो वर्षको भन्दा ४१.९०% ले धेरै हो ।
अघिल्लो वर्ष बैंकले ४० करोड २५ लाख रुपैयाँ मात्र नाफा कमाएको थियो । यस अवधिसम्म आउँदा बैंकको प्रतिसेयर आम्दानी ६ रुपैयाँ ९८ पैसाले बढेर २६ रुपैयाँ ८९ पैसा भने प्रतिसेयर नेटवर्थ १६२ रुपैयाँ ५१ पैसा रहेको छ । यता, बैंकको वितरण योग्य नाफामा ५९.६८% को गिरावट आएर ५ करोड ९९ लाख रुपैयाँमा खुम्चिएको छ । सार्वजनिक वित्तीय विवरण अनुसार बैंकको खुद ब्याज आम्दानी पनि ७.४४% ले घटेको छ भने सञ्चालन नाफा भने ३९.४९% ले बढेको छ ।
