काठमाडौं । नेसनल माइक्रोफाइनान्सले आर्थिक वर्ष २०७७/७८ को पहिलो त्रैमासको वित्तीय विवरण सार्वजनिक गरेको छ । सार्वजनिक गरेको विवरण अनुसार संस्थाले ४ करोड ८ लाख ६० हजार रुपैयाँ खुद नाफा कमाएको छ ।यो नाफा गत वर्षको तुलनमा २.७२% ले कम हो । गत वर्षको यसैअवधिमा संस्थाले ४ करोड २० लाख ४ हजार रुपैयाँ नाफा कमाएको थियो । 

यस्तै, संस्थाको खुद ब्याज आम्दानी ९६ हजार रुपैयाँले घटेर ८ करोड ६७ लाख ९ हजार रुपैयाँमा सीमित भएको छ । अघिल्लो वर्ष यसैअवधिमा संस्थाले ८ करोड ६८ लाख ५ हजार रुपैयाँ मात्रै खुद ब्याज आम्दानी कमाएको थियो । यता, सञ्चालन नाफा पनि २.७२% ले घटेर ६ करोड ४८ लाख ५७ हजार रुपैयाँमा सीमित भएको छ । अघिल्लो वर्ष यसले ६ करोड ६६ लाख ७३ हजार रुपैयाँ सञ्चालन नाफा कमाएको थियो । 

असोज मसान्तसम्म आइपुग्दा चुक्ता पुँजी २६ करोड ४० लाख ४५ हजार र जगेडा कोषमा २५ करोड ३५ लाख ९२ हजार रुपैयाँ छ । यता, कम्पनीको खराब कर्जा ०.५३% ले बढेर २.२८% पुगेको छ । यसअवधिमा संस्थाको प्रतिसेयर आम्दानी वार्षिक ६० रुपैयाँ ७३ पैसा र प्रतिसेयर नेटवर्थ १९६ रुपैयाँ ०४ पैसा रहेको विवरणमा उल्लेख छ ।