काठमाडौं । छिमेक लघुवित्त वित्तीय संस्था लिमिटेडले गत वर्षको मुनाफाबाट २५.२६ प्रतिशत लाभांश दिने घोषणा गरेको छ ।
संस्थाको बुधबार बसेको सञ्चालक समितिको बैठकले आर्थिक वर्ष २०७८/७९ को नाफाबाट २५.२६ प्रतिशत लाभांश दिने घोषणा गरेको हो ।
सेयरधनीका लागि संस्थाले प्रस्ताव गरको सो लाभांशमा २२ प्रतिशत बोनस सेयर र कर प्रयोजनका लागि ३.२६ प्रतिशत नगद लाभांश रहेको लघुवित्तले जनाएको छ ।
प्रस्तावित लाभांश राष्ट्र बैंकको स्वीकृति र आगामी वार्षिक साधारणसभाबाट पारित भएसँग वितरण गरिनेछ ।
