काठमाडौं । स्वावलम्बन लघुवित्तले लाभांश घोषणा गरेको छ । लघुवित्तले गतवर्षको मुनाफाबाट सेयरधनीका लागि २१.०५ प्रतिशत लाभांश दिने घोषणा गरेको हो ।
कम्पनीको बुधबार बसेको सञ्चालक समितिको बैठकले आर्थिक वर्ष २०७८÷७९ को नाफाबाट १५ प्रतिशत बोनस सेयर र कर प्रयोजनका लागि ६.०५ नगद लाभांश गरी कुल २१.०५ प्रतिशत लाभांश दिने निर्णय गरेको हो ।
योसँगै कम्पनीले आफ्ना सेयरधनीहरुलाई १६ करोड ८३ लाख २५ हजार पाँच सय रुपैयाँ बराबरको बोनस र ६ करोड ७९ लाख २० हजार रुपैयाँ नगद बाँड्ने कम्पनीले जनाएको छ ।
कम्पनीले प्रस्ताव गरेको सो लाभांश नियामक नेपाल राष्ट्र बैंकले स्वीकृत गरेसँगै र आगामी वार्षिक साधारणसभाले अनुमोदन गरेसँगै वितरण गरिनेछ ।
