काठमाडौं । काठमाडौंमा बचत फिर्ता गर्न नसक्ने सहकारीहरुको अनुगमन सुरु भएको छ । काठमाडौं महानगरपालिकाले आफ्नो क्षेत्राधिकारभित्र पर्ने सहकारी संस्थाहरुको अनुगमन सुरु गरेको हो ।

सहकारीहरुले बचत फिर्ता नगरेका गुनासो बढ्न थालेपछि महानगरपालिकाले अनुगमन सुरु गरेको हो । पहिलो चरणमा वडागत रुपमा अनुगमन गरिने महानगरका सहकारी विभाग प्रमुख देवेन्द्र पोखरेलले बताएका छन् ।

‘अहिले दैनिक रुपमा सहकारीविरुद्ध उजुरी पर्ने क्रम बढेको छ, अधिकांश उजुरी बचत फर्ताकै छन् ।’ पोखरेलले भने- ‘अहिले बचत फिर्ता गर्न नसक्ने र नियम विपरित सञ्चालन भईरहेका सहकारीमा अनुगमन गर्छौं ।’

अनुगमनका क्रममा नियम विपरित सहकारी सञ्चालन भएको पाइएमा वा महानगरको निर्देशन नमानेमा कार्वाही गरिने समेत महानगरले जनाएको छ ।