- अर्थ सरोकार सम्बाददाता
काठमाडौं । सूर्योदय लघुवित्त वित्तीय संस्थाले आर्थिक वर्ष २०७७/७८ को पहिलो त्रैमासको वित्तीय विवरण सार्वजनिक गरेको छ । सार्वजनिक गरेको विवरण अनुसार संस्थाले १ करोड १८ लाख २७ हजार रुपैयाँ खुद नाफा कमाएको छ । यो नाफा गत वर्षको तुलनमा १६.५९% ले कम हो। गत वर्षको सोहि अवधिमा संस्थाले १ अर्ब ४१ करोड ८० हजार रुपैयाँ खुद नाफा कमाएको थियो ।
यस्तै संस्थाको खुद ब्याज आम्दानी भने बढेको छ । गत वर्ष ३ करोड ६९ लाख २१ हजार रुपैयाँ रहेको खुद ब्याज आम्दानी यो वर्ष ५ करोड ७८ लाख ९२ हजार रुपैयाँ पुगेको छ । यता, सञ्चालन नाफा भने ७६.६५ ले घटेको छ । सञ्चालन नाफा २ करोड २ लाख ९३ हजार रुपैयाँबाट घटेर ४७ लाख ३७ हजार रुपैयाँमा खुम्चिएको छ ।
यता संस्थाको खराब कर्जा २% ले बढेर २.९३% पुगेको छ । अघिल्लो वर्ष संस्थाको खराब कर्जा ०.९३% मात्रै थियो । असोज मसान्तसम्ममा संस्थाको प्रतिसेयर आम्दानी वार्षिक २२ रुपैयाँ र प्रतिसेयर नेटवर्थ १५९ रुपैयाँ ५७ पैसा रहेको विवरणमा उल्लेख छ ।
