काठमाडौं । विज्ञापनको पर्चा बाँड्ने रोजगार कम्पनीलाई काठमाडौं महानगरपालिकाले कार्वाही गरेको छ । महानगरपालिकाभित्र जथाभावी विज्ञापनको पर्चा-पम्पलेट बाँडेर फोहोर गरेको भन्दै महानगरले एक रोजगार कम्पनीलाई कारबाही गरेको हो ।
काठमाडौं ७ मा रहेको सादना जबलाई प्रशासनिक दण्ड जरिवाना अन्तर्गत फोहोर मैला गरेवापत ५ हजार रुपैयाँ तिराएको महानगरपालिकाले जनाएको छ ।
काठमाडौं महानगरपालिकालाई सफा राख्ने प्रयास भईरहेको बेला जथाभावी पर्चा बाँडेर फोहोर गरेको भन्दै उक्त कम्पनीलाई कार्वाही गरिएको हो । त्यस्तै, अब आफ्नो विज्ञापनको लागि पर्चा, पम्पलेट, वा फ्लेक्स टाँसेर वा बाँडेर जथाभावी फोहोर गरेको पाइएमा कार्वाही गर्नेसमेत महानगरले जनाएको छ ।
काठमाडौं महानगरपालिकाले यसअघि जथाभावी फोहोर फाल्ने संस्था, सवारी साधनलाई पनि जरिबाना तिराएको थियो ।
