काठमाडौं । डिप्रोक्स लघुवित्त वित्तीय संस्थाका सेयरधनीले लाभांश प्राप्त गरेका छन् । लघुवित्तले आफ्ना सेयरधनीलाई दिने भनेको ११.०५२ प्रतिशत नगद लाभांश सेयरधनीहरुको बैंक खातामा पठाइदिएको हो ।

कम्पनीले डिम्याट खाता र बैंक खाता अद्यावधिक गरेका सेयरधनीको खातामा नगद जम्मा गरिदिएको हो । त्यस्तै, हालसम्म नगद लाभांश खातामा नआएका सेयरधनीलाई डिम्याट खाता र बैंक खाता अपडेट गर्न लघुवित्तले आग्रह गरेको छ । लघुवित्तका अनुसार खाता अपडेट गरेलगत्तै लाभांश खातामा जम्मा हुनेछ ।

कम्पनीको फागुन ३० गते बसेको साधारण सभाले गत आर्थिक वर्ष २०७८/७९ को नाफाबाट १० प्रतिशत बोनस सेयर र ११.०५२ प्रतिशत नगद लाभांश वितरण गर्ने प्रस्ताव पारित गरेको थियो । बोनस सेयर डिम्याट खातामा पठाउन भने केही समय लाग्ने लघुवित्तले जनाएको छ ।