काठमाडौं । भारत भ्रमणमा रहेका प्रधानमन्त्री पुष्पकमल दाहाल (प्रचण्ड) फोहोर व्यवस्थापनको अवलोकन गर्न इन्दोर जाने भएका छन् । चारदिने भारत भ्रमणमा रहेका प्रधानमन्त्री प्रचण्ड शुक्रबार मध्यप्रदेशको फोहोर व्यवस्थापनको नमूनायोग्य सहर इन्दोर जाने भएका हुन् ।
इन्दोर भ्रमणका क्रममा प्रधानमन्त्री प्रचण्डले त्यहाँको फोहोर व्यवस्थापनको अवलोकन गर्ने उनको सचिवालयले जानकारी दिएको छ । प्रचण्ड इन्दोरमा शुक्रबार दिउँसो १ बजे पुग्ने कार्यतालिका रहेको छ । इन्दोर अवलोकनपछि उनी आज राति त्यहीँ र शनिबार अपराह्न नेपाल फर्किनेछन् ।
त्यस्तै, शुक्रबार प्रधानमन्त्री प्रचण्डले मध्यप्रदेशका राज्यपाल मंगुभाइ पटेलसँग भेटघाट गर्नेछन्। साँझ मुख्यमन्त्री शिवराजसिंह चौहानले आयोजना गर्ने रात्रिभोजमा सरिक हुनेछन् ।
