- अर्थ सरोकार सम्बाददाता
दशैँ तिहार नजिकिएसँगै मुस्ताङबाट बिक्री गर्न व्यापारीले बागलुङ ल्याइएका च्याङ्ग्रा । 
कपिलवस्तुको चनईमा कम्बाइन मेसिनद्वारा धान काटिँदै । कम्बाइन मेसिन प्रयोग गरेर धान काट्दा एक विघा खेतमा धान काटेको रु दुई हजार लिइन्छ । 
गुल्मीको इस्मा गाउँपालिका–४ दोहोलीका महिलालाई उपहारस्वरुप वितरण गर्न राखिएका बाख्रा । पछिल्लो समय गुल्मीका महिला बाख्रापालनबाट आत्मनिर्भर बन्दै गएका छन् ।
तनहुँको दमौली बजारस्थित एक पसलमा सुनका जलप लगाइएका गहना खरिद गर्दै महिला। दशैँ सुरु भएसँगै बजारमा सामान खरिद बिक्रीका लागि भीडभाड बढेको छ ।
शुक्लाफाँटा नगरपालिका–१० झलारी बजारमा रहेको तरकारी पसलमा हरियो साग खरिद गर्दै उपभोक्ता । चाडपर्व नजिकिँकदै गर्दा तरकारीको मूल्यमा तेब्बर बढीले वृद्धि भएको छ । 
बागलुङको ताराखोला गाउँपालिकाको अर्गल गाउँमा अलैँची टिप्दै अम्मरबहादुर घर्ती दम्पती । किसानलाई अहिले अलैँची टिप्ने चटारो भए पनि भाउ ओरालो लागेपछि निरास भएका छन् । 
साकेला गाउँपालिका–३ खिदिमामा कपासको धागोबाट खाँडी कपडा बुन्दै महिला उद्यमी । गाउँपालिकाले स्थानीय कच्चा पदार्थलाई प्रयोग गरेर खाँडी कपडा उद्योग तथा अल्लो प्रशोधन केन्द्र स्थापना गर्न पहल थालेको छ ।
दशैँमा बिक्री गर्न मुस्ताङबाट बागलुङ ल्याइएका स्याउ ।
बागलुङ नगरपालिका–१३ पैयुपाटाका युवा रमेश शर्मा लामिछानेले आफ्नो गोठमा पालेको पाडापाडीको स्याहार गर्दै । उहाँको गोठमा अहिले ४५ लैना पाडापाडी छन् । पाडापाडी लोप हुन थालेपछि संरक्षण गर्न उहाँले किनेर पाल्नु भएको हो ।
