">
काठमाडौँ । हिमालयन रि–इन्स्योरेन्स कम्पनीको प्रमुख कार्यकारी अधिकृत (सिईओ)मा उपासना पौडेल नियुक्त भएकी छिन् ।
कम्पनीको सञ्चालक समितिको बैठकले सिईओ चन्द्रशेखरनको राजिनामा स्वीकृत गर्दै कम्पनीको नयाँ सिईओमा पौडेललाई नियुक्त गरेको हो । समितिको बैठकले पौडेललाई सिईओमा नियुक्त गर्ने प्रस्ताव स्वीकृतिका लागि नेपाल बीमा प्राधिकरण पठाएको छ ।
पौडेल यसअघि युनाइटेड इन्स्योरेन्समा सिईओका रुपमा कार्यरत रहेको थिइन् । उनी गत कार्तिक अन्तिम सातामा युनाइटेड इन्स्योरेन्सबाट बाहिरिएकी थिइन् ।
भारतको दिल्ली युनिभर्सिटीबाट एमबिए गरेकी पौडेलसँग भारतकै आईसीआईसीआई लोम्बार्ड इन्स्योरेन्स र भारतीय एक्सामा एक दशक कार्यानुभव रहेको छ ।
