• अर्थ सरोकार सम्बाददाता 

काठमाडौं । साताको कारोबारको अन्तिम दिन शुक्रबार सुनको मूल्य बढेको छ । बिहिबारर प्रतितोला ९४ हजार ५०० रुपैयाँमा कारोबार भइरहेको छापावाला सुन आज ४ सयले बढेर प्रतितोला ९४ हजार ९०० रुपैयाँमा कारोबार भइरहेको छ । 

यता, चाँदीको मूल्य भने स्थिर रहेर प्रतितोला एक हजार २ सय रुपैयाँमै कारोबार भइरहेको छ । नेपाल सुनचाँदी व्यवसायी महासंघले आज शुक्रबार प्रति १० ग्राम सुनको मूल्य ८१ हजार ३६०  रुपैयाँ तोकेको छ भने प्रति १० ग्राम चाँदीको मूल्य १ हजार २९ रुपैयाँ कायम गरेको छ ।