काठमाडौं । नेपाल राष्ट्र बैंकले बैंक तथा वित्तीय संस्थाहरुलाई आर्थिक वर्ष २०७९/८० को पहिलो त्रैमासको वित्तीय विवरण सार्वजनिक गर्ने समय थप गरेको छ । राष्ट्र बैंकले एक सूचना जारी गर्दै समय थप गरेको जानकारी दिएको हो ।
अव बैंक तथा वित्तीय संस्थाहरुले कार्तिक १७ गते सम्म पहिलो त्रैमासको वित्तीय विवरण सार्वजनिक गर्न सक्नेछन् । बैंक तथा वित्तिय संस्थाहरुलाई जारी गरेको एकीकृत व्यवस्था अनुसार मासिक र त्रैमासिक वित्तीय विवरण त्रैमास सकिएको सात दिनभित्र सार्वजनिक गर्नुपर्ने बैंकले जनाएको हो ।
बैंकले दिएको समयमा दशैँको बिदा परेको हुनाले समय थप गरेको राष्ट्र बैंकले जनाएको हो ।
