काठमाडौँ । नेपाल पुनर्बीमा कम्पनीको ५ संस्थापक सेयरमा आवेदन दिने आज अन्तिम दिन हो । कार्तिक ३ गतेदेखि लिलामी खुला भएको कम्पनीको ५ लाख कित्ता संस्थापक सेयरमा आजसम्म आवेदन दिन सकिनेछ ।

विशाल ग्रुपको स्वामित्वमा रहेको उक्त सेयरमा कम्पनीका संस्थापक सेयरधनी तथा अन्य संघसंस्थाले पनि आवेदन दिन सक्नेछन् ।

आवेदन दिँदा न्यूनतम २ सय ७० रुपैयाँ वा सो भन्दा बढी मुल्य कबोल गरी गोप्य शिलबन्दी बोलपत्र पेश गर्नुपर्नेछ । संस्थापक सेयरका लागि लगानीकर्ताले न्यूनतम १ लाखदेखि अधिकतम सबै कित्ताका लागि आवेदन दिन सक्नेछन् । कम्पनीको उक्त सेयरको बिक्री प्रबन्धक एनआइसी एशिया क्यापिटल रहेको छ ।