काठमाडौँ । जाजरकोट केन्द्रबिन्दु भएर फेरी भूकम्प गएको छ । जाजरकोटको बारेकोट–१ केन्द्रबिन्दु बनाएर आइतबार बिहान दुई पटक भूकम्प गएको हो । जाजरकोट केन्द्रबिन्दु बनाएर आइतबार भूकम्प गएको राष्ट्रिय भूकम्प मापन तथा अनुसन्धान केन्द्रले पुष्टि गरेको छ ।
केन्द्रका अनुसार आइतबार बिहान १ः२२ बजे ४ म्याग्नेच्युट र ४ः५३ बजे ३.८ म्याग्नेच्युटको भूकम्प गएको हो ।
शुक्रबार राती जाजरकोटको बारेकोट–१ केन्द्रबिन्दु बनाएर ६.४ म्यान्नेच्युटको भूकम्प गएयता जाजरकोटको सोही स्थानलाई केन्द्रबिन्दु बनाएर पराकम्पनहरु गइरहेका छन् । हालसम्म भूकम्पमा परी ज्यान गुमाउनेको संख्या १ सय ५७ जनाको मृत्यु भएको छ ।
