काठमाडौँ । आरम्भ चौतारी लघुवित्त वित्तीय संस्था लिमिटेडको खुद नाफा घटेको छ ।

लघुवित्तले सार्वजनिक गरेको चालु आर्थिक वर्षको पहिलो त्रैमाससम्को अपरिस्कृत वित्तीय विवरण अनुसार लघुवित्तको नाफा ११ प्रतिशतले घटेको हो । लघुवित्तले समीक्षा अवधिमा २५ लाख ४४ हजार रुपैयाँ खुद नाफा आर्जन गरेको छ । कम्पनीले गत आर्थिक वर्षको सोही अवधिमा भने २८ लाख ६८ हजार रुपैयाँ खुद नाफा आर्जन गरेको थियो ।

समीक्षा अवधिमा कम्पनीको खुद ब्याज आम्दानी भने बढेको छ । यसअवधिमा कम्पनीमा खुद ब्याज आम्दानी ६ करोड ९४ लाख पुगेको छ । त्यस्तै, लघुवित्तले चालु आर्थिक वर्षको असोज मसान्तसम्ममा इम्पेयरमेन्ट चार्जमा ९९ लाख ७६ हजार रुपैयाँ छुट्याएको छ ।

कम्पनीले सार्वजनिक गरेको अपरिस्कृत वित्तीय विवरणअनुसार यस अवधिमा कम्पनीको निष्क्रिय कर्जा ४.९५ प्रतिशतबाट बढेर ५.४९ प्रतिशत पुगेको छ । ऋणीहरुले तिर्नुपर्ने ऋण तिर्न छोडेपछि लघुवित्तको निष्क्रिय कर्जा बढ्न पुगेको हो । यही कारण लघुवित्तको नाफामा दबाब परेको हो ।