काठमाडौँ । एनएमबि बैंकले नयाँ अफर सार्वजनिक गरेको छ । बैंकले डेबिट कार्ड प्रयोग गरी पिओएस वा ई-कमर्स जस्ता विद्युतिय कारोबारलाई प्रोत्साहन गर्ने उदेश्यले नयाँ अफर सार्वजनिक गरेको हो ।
बैंकले एनएमबिको डेबिट कार्ड प्रयोग गर्ने ग्राहकहरुका लागि २ सय क्यास-ब्याक प्राप्त गर्न सक्ने अफर सार्वजनिक गरेको छ । बैंकले तिहारलाई लक्षित गर्दै आफ्ना ग्राहकहरुका लागि उक्त अफर ल्याएको हो ।
बैंकका ग्राहकहरुले नोभेम्बर ११ देखि १९सम्म क्यास ब्याक अफर प्राप्त गर्न सक्नेछन् । सो अफर प्राप्त गर्न एक पटकमा हजार रुपैयाँको न्यूनतम भुक्तानी गर्नुपर्ने कम्पनीले जानकारी दिएको छ ।
त्यस्तै, एनएमबि बैंकले हाल देशभरी २ सय १ शाखाहरु, १ सय ५७ एटिएमहरु र १२ एक्सटेन्सन काउन्टरहरुमार्फत उच्चस्तरीय सेवा प्रदान गदै आइरहेको छ ।
