काठमाडौँ । युवा संघ नेपालले दुर्गा प्रसाईंविरुद्ध धनुषा प्रहरीमा जाहेरी दिएको छ । कार्यक्रममा पूरानो राष्ट्रिय गान बजाएको भन्दै एमालेको भातृ संगठन युवा संघले प्रसाईंविरुद्ध प्रहरीमा जाहेरी दिएको हो ।
प्रहरीका अनुसार ‘हिन्दू सम्राट सेना धनुषा’ले आयोजना गरेको कार्यक्रममा ‘श्रीमान गम्भीर नेपाली’ नामको गान बनाइएको भन्दै जाहेरी परेको हो । सो कार्यक्रममा अतिथि रहेको प्रसाईंकै निर्देशनमा उक्त गान बजाएर नेपाली राष्ट्रिय गानको अपमान गरेको भन्दै युवा संघले प्रसाईविरुद्ध जाहेरी दिएको हो ।
प्रसाईंविरुद्ध युवा संघ धनुषाका अध्यक्ष ३० वर्षीया रोशनकुमार यादवले जाहेरी दिएका हुन् । प्रहरीमा जाहेरी परे पनि हाल उक्त जाहेरीउपर अध्ययन भइरहेको धनुषा प्रहरीले जनाएको छ । प्रहरीका अनुसार उक्त जाहेरीमा प्रसाईंलाई हदैसम्मको कैद तथा जरिवाना गर्न माग गरिएको छ ।
यता मंसिर ७ गते प्रसाईं र युवा संघले काठमाडौँमा बृहत प्रदर्शको आयोजना गरेका छन् । सो दिन युवा संघको प्रदर्शनका लागि तिनकुने र प्रसाईंको प्रदर्शनका लागि बल्खु क्षेत्र तोकिएको छ ।
