काठमाडौँ । लाइफ इन्स्योरेन्स कर्पोरेशन (नेपाल)ले वार्षिक साधारण सभा गर्ने भएको छ । कम्पनीको सभा नेपाल प्रशासनिक प्रशिक्षण प्रतिष्ठान जावलाखेल ललितपुरमा हुने भएको हो ।
वार्षिक साधारण सभा मंसिर १८ गते बिहान १० बजेबाट सुरु हुने भएको छ । सभाले आर्थिक वर्ष २०७८-७९ को वर्षिक प्रतिवेदन उपर छलफल तथा आर्थिक वर्ष २०७९-८० को लागि लेखापरिक्षकको नियुक्ती गर्ने भएको छ । साथै, निजको पारिश्रमिक निर्धारण गर्ने प्रस्तावसमेत पारित गर्नेछ ।
कम्पनीले साधारण सभा प्रयोजनको लागि मंसिर ११ गते बुक क्लोज गर्ने भएको हो । त्यस्तै, बुक क्लोजको आधारमा मंसिर १० गतेसम्म कायम सेयधनीले साधारण सभामा भाग लिन पाउने कम्पनीले जनाएको छ ।
