काठमाडौँ । सिटिजन्स बैंक र इन्द्रेणी सुइट होटलबीच सम्झौता भएको छ । बैंक र इन्द्रेणी सुइट होटलबीच बैंकका ग्राहकहरूलाई विशेष छूट दिने सम्झौता भएको हो ।
यस्तै, समझदारीपत्रमा हस्ताक्षर पश्चात् कम्पनीका कार्डबाहकले इन्द्रेणी सुइट होटलमा १० प्रतिशतसम्मको आकर्षक छूट पाउनेछन् । यस किसिमको सहकार्यबाट ग्राहकहरु लाभान्वित हुने गर्छन । साथै, नगदबाट डिजिटल कारोबारतर्फ उत्प्रेरित हुने कम्पनीले जनाएको छ ।
कम्पनीले डिजिटल बैंकिङ माध्यमहरुको प्रयोगलाई बढाउन र ग्राहकहरुलाई डिजिटल माध्यमबाट भुक्तानी गर्न प्रोत्साहन गर्न समय समयमा ग्राहकमैत्री सुविधाहरु सञ्चालनमा ल्याउँदै आएको छ । ग्राहकहरुले कम्पनीको वेबसाइटमा डिजिटल कारोबार गर्दा पाइने छूट सम्बन्धी विस्तृत विवरणहरु प्राप्त गर्न सक्नेछन् ।
यस्तै, बैंकले देशभरका १ सय ८९ वटा शाखा, १ सय ४९ एटीएम र ९७ वटा शाखा रहित बैंकिङ इकाईहरुबाट १६ लाख ७६ हजार ग्राहकलाई बैंकिङ सेवाहरु प्रदान गर्दै आएको छ ।
