• अर्थ सरोकार सम्बाददाता

बाजुरा । सुदूरपश्चिममा बैंकको कर्मचारी हुँ भन्दै ठगी गर्ने एकजना पक्राउ परेका छन् । जिल्लाको राष्ट्रिय वाणिज्य बैंकको कर्मचारी हुँ भन्दै ठगी बझाङका देवराज थापा पक्राउ परेका हुन् । थापाले बाजुराका केही स्थानीयहरुलाई विना धितो ऋण उपलब्ध गराइदिन्छु भन्दै ठगी गरिरहेको सूचना पाएपछि उनलाई बझाङबाट पक्राउ गरेको जिल्ला प्रहरी कार्यालय बाजुराका प्रमुख प्रहरी नायव उपरीक्षक मदनजित महराले बताउनुभयो ।

उनले बुढीनन्दा नगरपालिका पाण्डुसैनकी १ महिलाको ३० हजार रुपैँया ठगेको, त्यसैगरी सदरमुकाम मार्तडीको बानीया होटलमा केही दिन बसी खाना खाएको ५६ हजार नतिरेको र बझाङ्को छान्ना घर भएका व्यापारी जगत रावतलाई समेत ठगी गरेकोे बुझीएको डिएसपी महराले जानकारी दिनुभएको छ । पक्राउ परेका थापालाई आइतबार जिल्ला प्रहरी कार्यालयमा ल्याएको र थप अनुसन्धान भइरहेको डिएसपी महराले बताउनुभयो ।