काठमाडौँ । सुमेरु सहकारीका तत्कालीन अध्यक्ष भरत महर्जनविरुद्ध ‘रेड नोटिस’ जारी भएको छ । ललितपुरको पुल्चोकस्थित सुमेरु सेभिङ्ग एण्ड क्रेडिट को-अपरेटिभमा बचतकर्ताको १० अर्ब भन्दा बढी रकम हिनामिना गरेर सम्पर्कविहीन भएका महर्जनविरुद्ध ‘रेड नोटिस’ जारी गरिएको हो ।
महर्जनविरुद्ध इन्टरपोलमार्फत ‘रेड नोटिस’ जारी भएको प्रहरीको केन्द्रीय अनुसन्धान ब्यूरो (सीआईबी)का एक अधिकारीकाले पुष्टी गरेका छन् ।
सहकारीका ३५ हजार बचतकर्ताको १० अर्ब भन्दा बढी रकम हिनामिना गरेको भन्दै बचतकर्ताहरुले दिएको उजुरीका आधारमा सहकारी विभागको पत्राचारपछि सीआईबीले उक्त सहकारी ठगी प्रकरणमा अनुसन्धान गर्दै आएको थियो । तर, सुमेरु सहकारीमा ठगी भएको खुलासा हुँदासम्म पनि महर्जन सम्पर्कमा नआएपाछि ‘रेड नोटिस’ जारी गरिएको प्रहरीको भनाई छ ।
