काठमाडौं । कुमारी सामूहिक लगानी कोष अन्तर्गत संचालित ‘कुमारी सबल योजना’को इकाई बाँडफाँड भएको छ । इकाईको बाँडफाँड फागुन १६ गते बुधबार कुमारी क्यापिटल लिमिटेड, नागपोखरी १, नक्सालमा भएको थियो ।
कम्पनीले माघ २८ गतेदेखि फागुन १३ गतेसम्म प्रति इकाई १० रुपैयाँ दरको १० करोड इकाईमध्ये बीज पूँजी वापत १ प्रतिशत अर्थात १० लाख इकाई योजना व्यवस्थापक कुमारी क्यापिटल, १४ प्रतिशत अर्थात १ करोड ४० लाख इकाई कोष प्रवद्धक कुमारी बैंकका लागि गरी कुल निष्कासन गरिने इकाइको जम्मा १५ प्रतिशत सुरक्षित राखि बाँकी न्यूनतम ८ करोड ५० लाख इकाइ सर्वासाधारणका लागि बिक्री खुला गरिएको थियो ।
सो इकाईमा आवेदन दिने २९ हजार १ सय ६० जना मध्ये रितपुर्वक आवेदन दिने २९ हजार १३४ जना आवेदकहरुलाई माग गरे बमोजिम इकाईहरु बाँडफाँड गरिएको कम्पनीले जनाएको छ । त्यस्तै, दोहोरो आवेदन दिने २६ जना आवेदकहरुको आवेदन रद्द भएको छ ।
