काठमाडौँ । लगातारको अविरल वर्षाका कारण कैलालीका अधिकांश क्षेत्र डुबानमा परेका छन् । अझ आइतबार राती आएको बाढीले कैलारी गाउँपालिका–५ मनकापुर पुरानो बस्ती नै डुबाएपछि जनजीवन प्रभावित बनेको छ ।
कटैनी नदीमा राती आएको बाढी बस्तीमा पसेपछि मनकापुरसँगै बैशपुर, रतनपुर बस्ती पनि डुबानमा परेको छ ।
बाढीका कारण बस्तीका करिब २५ घर डुबाएको छ । बस्तीमा बाढी पसेपछि नेपाल प्रहरी, सशस्त्र प्रहरी, रेडक्रस तथा स्थानीयको वृद्धवृद्धा, बालबालिका, सुत्केरी तथा महिलाहरुको उद्धार गरिएको छ । हाल बाढी पसेको बस्ती जलमग्न छ भने अधिकांश घरमा बाढी पसेको छ ।
बाढीका कारण घरमा भएका खाद्यान्न, लत्ताकपडा, कागजात लगायतका सामानमा क्षति भएको स्थानीयले बताएका छन् । हाल डुबानमा परेको बस्तीबाट उद्धार गरिएकाहरुलाई सुरक्षित स्थानमा राखिएको छ । बाँकी फोटो फिचरमा हेर्नुहोस्ः
