• अर्थ सरोकार सम्बाददाता 

काठमाडौं । कोरोना संक्रमणबाट थप एक कैदीबन्दीको मृत्यु भएको छ । केन्द्रीय कारागार सुन्धारामा रहेका रुपन्देहीका ६३ वर्षीय पुरुषको मृत्यु भएको हो ।

कर्तव्य ज्यान मुद्दामा जन्म कैदको जेल सजाय काटिरहेका उनको शनिवार वीर अस्पतालमा उपचारको क्रममा मृत्यु भएको हो । उनको मृत्युपछि कोरोना संक्रमण पुष्टी भएको हो । उनलाई स्वासप्रस्वासमा समस्या देखिएपछि शनिबार वीर अस्पताल भर्ना गरिएको थियो ।