काठमाडौँ । काठमाडौँको न्युरोड क्षेत्रमा अव्यवस्थित पार्किङकोे समस्या बढ्न थालेको छ । फुटपाथ बिस्तार हुँदा मुख्य सडकको पार्किङ हटेसँगै न्युरोडका गल्लीहरुमा अव्यवस्थित पार्किङको समस्या बढ्न थालेको हो । 

फुटपाथ विस्तारका क्रममा काठमाडौँ महानगरपालिको मूल सडक छेउका पार्किङ हटाएसँगै त्यसको चाप गल्लीहरुमा परेको छ । जसका कारण आम नागरिकले आवतजावत र हिँडडुल गर्दा समस्या भोगिरहेका छन् ।

अव्यवस्थित पार्किङका कारण न्युरोड क्षेत्र र आसपासका सांस्कृतिक धरोहर एवम् सम्पदाहरु मासिने खतरामा छन् । सांस्कृतिक धरोहरहरुको सौन्दर्यता नै खोसिएको देख्न सकिन्छ । 

पार्किङ गरिएका सवारी साधनले सांस्कृतिक सम्पदाहरुको सौन्दर्य त खोसेको छ नै साथमा भौतिक संरचनामा असर पनि गरिरहेको छ । काठमाडौँको पुरानो समस्या व्यवस्थित पार्किङको विकल्प नखोज्ने हो भने महानगर भित्रका सांस्कृतिक धरोहरुस्थलहरु मासिने निश्चित छ । त्यसैले वैकल्पिक स्थल खोजेर पार्किङको व्यवस्था गर्न आवश्यक भइसकेको छ । बाँकी फोटो फिचरमा हेर्नुहोस्ः