• अर्थ सरोकार सुदूरपश्चिम ब्युरो

धनगढी । नेपाल कम्युनिष्ट पार्टी माओवादी केन्द्रको प्रथम एतिहासिक वडा अधिवेशन देशव्यापी रुपमा संचालन भईरहेको छ । सोहि अनुसार धनगढीका १९ वटै वडाहरुमा पनि माओवादी केन्द्रको वडा स्तरिय अधिवेशन गरिएको हो ।

पार्टीको केन्द्रिय सर्कुलर अनुसार देशैभरीका ६ हजार ७ सय ४३ वटै वडाहरुमा वडा स्तरिय प्रथम एतिहासिक अधिवशेसन सुरु भएको माओवादी केन्द्रका धनगढी उपमहानगरपालिकाका नगर कमिटी संयोजक निर्मल शाहले जानकारी दिए । यससँगै अवका दिनदेखी पार्टी नयाँ ढंगबाट सुदृढ हुँदै त्रान्तिकारी पार्टी निर्माणको दिशामा अगाढी बढेको संयोजक शाहको भनाई रहेको छ ।

त्यस्तै उपमहानगरपालिकाका १९ वटै वडाहरुमा हर्ष उल्लाहसका साथ अधिवेशन सम्पन्न हुने चरणमा रहेको नगर संयोजक शाहले बताए । ‘प्रथम अधिवेशनका लागि केन्द्र, जिल्लाबाट सम्पुर्ण वडामा प्रतिनिधीहरु पठाइएको छ’, उनले भने, ‘प्रथम अधिवेशनबाट वडा कमिटी विस्तार गरिनेछ ।’