- अर्थ सरोकार सुदूरपश्चिम ब्युरो
कैलाली । कैलालीमा सम्पन्न राष्ट्रिय स्तरको बर्ड फोटोग्राफि प्रतियोगितमा अर्थ सरोकारकर्मी भुमिदत्त तिवारी (हरी) ले दोस्रो स्थान हात पार्न सफल भएका छन् । जिल्लाको घोडाघोडी नगरपालिकामा बृहत घोडाघोडी ताल तथा पर्यटन विकास बोर्डको आयोजनामा सम्पन्न प्रतियोगितमा तिवारी द्धितिय भएका हुन् ।
नेपालकै पहिलो चरा अभयारण्य क्षेत्र घोषणा भएको घोडाघोडी ताल क्षेत्रको पर्यटन प्रबद्धनको उद्धेश्य स्वरुप प्रतियोगितको आयोजना गरेको बृहत घोडाघोडी ताल तथा पर्यटन विकास बोर्डका अध्यक्ष दयाराम चौधरीले बताए । शुक्रबार सम्पन्न चरा अभयारण्य क्षेत्र घोषणा कार्यक्रममा बोल्दै चौधरीले राष्ट्रिय स्तरको बर्ड फोटोग्राफि प्रतियोगितामा प्रथम स्थानमा सुमन ताम्रकार, द्धितिय भुमिदत्त तिवारी (हरी) र तेस्रो स्थानमा दृस्टान्ट विडारी भएको जानकारी दिए ।
कार्यक्रमका प्रमुख अथिती समेत रहेको सुुदूरपश्चिम प्रदेशका म्ुख्यमन्त्री त्रिलोचन भट्टले प्रतियोगिताका विजेतालाई नगद रु क्रमशः ३० हजार, २० हजार र १० हजार समित प्रमाणपत्र वितरण गरेका हुन् । बिहिबार उद्योग वन तथा पर्यटन मन्त्रालय र घोडाघोडी नगरपालिकाको आयोजनामा बृहत कार्यक्रमको आयोजना गर्दै घोडाघोडी ताल क्षेत्रलाई नेपालकै पहिलो चरा अभयारण्य क्षेत्र घोषणा समेत गरिएको छ ।
