- अर्थ सरोकार सुदूरपश्चिम ब्युरो
कैलाली । देशभर आसन्न स्थानीय चुनावको तयारी तिव्र पारिएका बेला विभिन्न दललाई उम्मेदवार चुन्न सकस परेको छ । उम्मेदवारका आकांक्षीबीच प्रतिष्पर्धा चलिरहेका बेला धनगढी उपमहानगरपालिकाको नगरप्रमुख पदका लागी नेकपा एमालेको तर्फबाट पाँच जनाको नाम सिफारिस गरिएको छ ।
नगरप्रमुख पदका लागी चर्चामा रहेका नेकपा एमालेका युवा नेता कमल राना, गोमा अधिकारी, रण बहादुर चन्द, दुर्गा जोशी र जीवन बमको नाम केन्द्रमा सिफारिस गरिएको हो । उपमहानगरपालिकाको मेयरको टिकट केन्द्रबाटै निर्धारण गरिने छ । सिफाररुस भएकाहरुमध्ये युवा नेता रानाको सम्भावना प्रवल रुपमा देखिएको छ । युवाहरुमा लोकप्रिय रहेका रानाले धनगढी उपमहानगरपालिकामा आफ्नो राम्रै छवि स्थापित गरेका छन् । कोरोना माहामारीका बेलामा समुदायमा अब्बल भुमिका खेल्नुका साथै सकरात्मक सोच र युवाहरुको साथले उनलाई धनगढीको मेयरमा बलियो रुपमा हेरिएको हो ।
त्यस्तै उनी बाहेक चन्द, अधिकारी, बम र जोशी पनि धनगढीमा लोकप्रिय नेताको छवि बनाएका छन् । त्यस्तै उपप्रमुखका लागि पनि तीन जनाको नाम केन्द्रमा पठाइएको हो । उपप्रमुखमा दीप्ति शाही, कन्दकला राना र जानकी चौधरीको पनि नाम सिफारिस गरिएको छ ।
