धनगढी । शनिबार धनगढीको मिलनचोकबाट नेकपा (एमाले)को घरदैलो अभियान सुभारम्भ गरिएको छ । आसन्न स्थानीय तहको निर्वाचनका लागी एमालेका तर्फबाट नगरप्रमुख र उपप्रमुखका उम्मेदवारसहितको टिम कार्यक्रममा हिँडेको हो ।
शनिबार बिहानको निर्वाचन कार्यतालिका अनुसार ७ः३० देखी ११ः३० बजेसम्म धनगढी उपमहानगरपालिका ३ मिलनचौक, विरेन्द्र टोल, कालिकानगर, विशालनगर, चटकपुर, बोराडाडी र डिलाशैनीमा घरदैलो कार्यक्रम आयोजना गरिनेछ । त्यस्तै कार्यक्रमको दोस्रो चरण अन्तर्गत दिउँसो २ बजेदेखी साँझ ७ बजेसम्म वडा नम्बर १३ को हिमाली टोल हुँदै लक्ष्मीनगर, दुर्गा टोल र कालिका टोलमा कैलालीको शिवमन्दीरमा कार्यक्रम गरिनेछ ।
घरदैलो कार्यक्रममा नगरप्रमुख पदका उम्मेदवार रण बहादुर चन्द, उपप्रमुख पदका उम्मेदवार कन्द्रकला राना, पार्टीका पोलिटब्युरो सदस्य तथा कैलाली ईन्चार्ज नारदमुनी राना, प्रदेश सचिव धर्मराज पाठक, प्रदेश सदस्य जिवन बम, जिल्ला उपाध्यक्ष दुर्गा जोशी लगाएतको उपस्थिति रहेको छ ।
