धनगढी । बैतडीको पुर्चौंडी नगरपालिकामा नेपाली काँग्रेसका उम्मेदवार दीपक बहादुर बमको अग्रता कायमै रहेको छ । उनको हालसम्म गणना भएको मत परिणाम अनुसार ३ हजार ८ सय ८६ मतका साथ अग्रस्थानमा रहन सफल भएका हुन् ।

उनका निकटतम प्रतिद्धन्द्धी नेकपा एमालेका उम्मेदवार कर्णबहादुर कुँवरले २ हजार ३ सय ७४ मतका साथ टक्कर दिइरहेका छन् । माओवादी केन्द्रका विक्रम कुँवर (प्रतीक) ले २ हजार ३ सय ४ मत ल्याई पच्छयाइरहेका छन् ।

उपमेयरमा पनि नेपाली काँग्रेसकी उम्मेदवार मीना धानुकले ३ हजार ४ सय १८ मतका साथ अग्रस्थान लिईरहेकी छिन् भने उनीलाई एमालेकी जानकी साउँदले २ हजार ७ सय ७३ मतका साथ पछ्याईरहेकी छिन् । यसैगरी नेकपा माओवादी केन्द्रकी उम्मेदवार नन्दा शाहले २ हजार ३ सय ४८ मत ल्याएकी छिन् । पुर्चौंडीका ७ ओटा वडाको मत गणना सम्पन्न भएको छ भने तीन वडाको गणना गर्न बाँकी छ ।