- अर्थ सरोकार सुदूरपश्चिम ब्युरो
कैलाली । भारतको सिमावर्ती गाउँ बेलापर्सुवा गाउँमा प्रथम व्यापारिक केन्द्रको भवन शिलन्यास गरिएको छ । आइतबार एक कार्यक्रमकाबीच कैलारी उद्योग वाणिज्य संघका अध्यक्ष नेपालु चौधरीले भारतको लखिमपुर जिल्लामा पर्ने बेलापर्सुवा गाउँमा भवनको सिलन्यास गरेका हुन् ।
भवन शिलन्यास गर्दै अध्यक्ष चौधरीले व्यापारिक केन्द्रको भवन निर्माणसँगै भारत र नेपालबीचको सम्बन्ध थप बलियो हुने विश्वास व्यक्त गरेका छन् । ‘सदियौँदेखि यस क्षेत्रमा नेपाल र भारतबीच व्यापारिक तथा रोटीबेटीको सम्बन्ध रहेको छ’, उनले भने, ‘केही समयदेखि विविध कारणले आवतजावतमा समस्या पारेको भए पनि अव भने सम्बन्ध थप सहज हुनेछ ।’
तत्कालीन समयमा द्वन्द र कोरोना माहामारीका कारण यस क्षेत्रमा नेपाल भारतबीचको आवातजावत प्रभावित भएको थियो । तर, अवभने पुनः विगतको जस्तै सम्बन्ध स्थापित गर्ने उद्धेश्यका साथ व्यापारिक केन्द्रको भवन शिलन्यास गरिएको अध्इक्ष चौधरीको भनाई छ ।
योसँगै कैलारी गाउँपालिका ७ विपदपुर शिविर, भुईयाँफाँटा, हौसलपुर लगायतका गाउँ र भारतको लखिमपुर जिल्लाबीचको व्यापारिक सम्बन्ध थप बलियो हुने विश्वास गरिएको छ । शिलन्यास कार्यक्रममा कैलारी उद्योग वाणिज्य संघका पदाधिकारी र स्थानीयहरुको सहभागिता रहेको थियो । कार्यक्रमको अवसरमा एकआपसमा खिचरा माघी मिलन तथा शुभकामना आदनप्रदान समेत गरिएको छ ।
