• अर्थ सरोकार सम्बाददाता

काठमाडौं । महानगरीय अपराध महाशाखाका सात जना प्रहरीमा कोरोना संक्रमण पुष्टी भएको छ । महाशाखाका एसएसपी दीपक थापाका अनुसार एक असई, एक हवल्दार र पाँच सिपाहीमा कोरोना संक्रमण देखिएको हो । उनीहरु सबैको स्वास्थ्य अवस्था ठीक रहेको छ।

उनीहरुमा संक्रमण देखिएपछि नेपाल प्रहरीको अस्पताल र दुई नम्बर गणको आइसोलेशनमा पठाइएको छ। तीन दिन अघि महानगरीय प्रहरी परिसरका इन्स्पेक्टरसहित २२ जनालाई संक्रमण भएको थियो । उनीहरुलाई पनि प्रहरी अस्पताल, दुई नम्बर गण र होम आएसोलेशनमा राखिएको छ।