">
काठमाडौँ । भारतीय सेयर बजार अल टाइम हाई बिन्दुमा पुगेको छ । भारतीय सेयर बजार सूचक बीएसई सेन्सेक्स हालसम्मकै उच्च ८५ हजार बिन्दुमाथि पुगेको हो ।
स्टिल कम्पनी र अटो कम्पनीहरू बढ्दा बीएसई सेन्सेक्स उच्च बिन्दुमा पुगेको अन्तराष्ट्रिय संचार माध्यमहरुले जनाएका छन् । सेन्सेक्सले चार दिनअघि मात्रै ८४ हजारको बिन्दु पार गरेको थियो ।
बीएसई सेन्सेक्ससँगै भारतको अर्को सेयर बजार सूचक नीफ्टी-५० मा पनि आकर्षक बढोत्तरी देखिएको छ । नीफ्टी-५० अल टाइम हाई (२६ हजार) को नजिक पुगेको छ ।
यो समाचार तयार पार्दै गर्दा १ : ३० बजे बीएसई सेन्सेक्स ८० . १७ अंकले बढेर ८५००८ . ७८ बिन्दुमा पुगेको छ भने नीफ्टी-५० २७ . ६५ अंकले बढेर २५९६६ .७० बिन्दुमा पुगेको छ ।
