काठमाडौँ । नेपाली सेकुवा ब्राण्ड बाजेको सेकुवाको इन्टरनेसनल फ्रेन्चाइज राइट फ्रेन्चाइज ग्लोबलले लिएको छ । फ्रेन्चाइज राइट लिने विषयमा शुक्रबार दुवै पक्षबीच हस्ताक्षर भएको हो ।
सम्झौतापत्रमा बाजेको सेकुवाका तर्फबाट डाइरेक्टर चेतन भण्डारी र फ्रेन्चाइज ग्लोबलको तर्फबाट सिइओ डा. शम्भु पोखरेलले हस्ताक्षर गरेका हुन् ।
अब बाजेको सेकुवाको अन्तराष्ट्रिय आउटलेट फ्रेन्चाइज ग्लोबलले गर्ने भएको छ । पहिलो २ वर्षमा विभिन्न देशका प्रमुख शहरहरूमा २०० ओटा अन्तराष्ट्रिय आउटलेट खोल्ने फ्रेन्चाइज ग्लोबलको योजना रहेको छ ।
फ्रेन्चाइज ग्लोबलले विभिन्न व्यावसायिक कम्पनीबीच समन्वय गर्ने व्यावसायिक विस्तारका लागि पहल गर्ने स्वामित्व प्रत्यायोजन गर्ने लगायतका कामहरू गर्दै आएको छ ।
