• अर्थ सरोकार सम्बाददाता 

सुर्खेत । स्थानीयमा कोरोना संक्रमण देखिएपछि सुर्खेतको छिन्चु बजार सिल गरिएको छ । जिल्लाकै दोस्रो व्यापारिक केन्द्र छिन्चु बजार स्थानीय प्रशासनले मंगलबार राति १२ बजेदेखि भदौ ३० गते राति १२ बजेसम्म (एक साता)का लागि सिल गरेको हो ।

स्थानीय व्यवसायीमा नै कोरोना संक्रमण देखिएपछि जोखिम बढेको हुनाले मंगलबार बसेको सर्वपक्षीय बैठकले एक साताका लागि बजार पूर्णरूपमा सिल गर्ने निर्णय गरेको हो । 

यसअघि  स्थानीय एक व्यापारीका परिवारका पाँचजना सदस्यलाई कोरोना संक्रमण पुष्टि भएको थियो । बजार आसपासका औषधि पसलबाहेक बैंक तथा वित्तीय संस्थाहरू समेत बन्द गरिने छ ।