काठमाडौँ । राष्ट्रिय स्वतन्त्र पार्टी (रास्वपा) का सभापति रवि लामिछानेविरुद्ध झण्डै २८ करोड रुपैयाँ बिगो माग दाबीसहित कास्की जिल्ला अदालतमा मुद्दा दायर भएको छ ।
लामिछानेविरुद्ध फरक फरक तीन कसुरमा मुद्दा दायर भएकोमा सम्पत्ति सुद्धीकरणमा २७ करोड ८९ लाख ४४ हजार ७ सय ५ रुपैयाँ बिगो माग दाबीसहित मुद्दा दायर भएको हो ।
जिल्ला सरकारी वकिलको कार्यालय, कास्कीकी सहायक जिल्ला न्यायाधीवक्ता शान्तिदेवी शर्माले रविविरुद्ध सो रकम बराबरको बिगो माग दाबी परेको जानकारी दिइन् ।
साथै, उनकी पत्नी निकिता पौडेलविरुद्ध पनि मुद्दा दायर भएको छ ।
