काठमाडौँ । नेपाली काँग्रेसका सभापति शेर बहादुर देउवाले प्रधानमन्त्री केपी शर्मा ओलीका कारण गभर्नर नियुक्तिमा ढिलाई नभएको बताएका छन् । पार्टी कार्यालयमा आयोजित कार्याक्रमलाई सम्बोधन गर्दै देउवाले यस्तो बताएका हुन् ।

उनले राष्ट्र बैंकको गभर्नर नियुक्ति प्रधानमन्त्री ओलीका कारण नभएर नेपाल राष्ट्र बैंककै कारणले भएको बताएका छन् ।

अहिले सत्ता गठबन्धनभित्र देखिएको खटपटका कारण गभर्नर नियुक्ति प्रक्रिया गिजोलिएको हल्ला चले पनि सो हल्लामा कुनै सत्यता नभएको भन्दै देउवाले राष्ट्र बैंकको गभर्नर नियुक्ति राष्ट्र बैंक भित्रकै समस्याका कारण भएको दाबी गरेका छन् । 

उनले गभर्नर नियुक्तिमा ढिलाई हुनुमा प्रधानमन्त्रीको कुनै पनि हात नभएको र गठनबन्धनमा कुनै समस्या नभएको पनि प्रस्ट पारेका छन् ।