काठमाडौँ । गत सोमवारदेखि जापानका धेरै क्षेत्रहरूमा तापक्रम बढेको छ । जहाँ तापक्रम ३५ डिग्री सेल्सियस भन्दा माथि पुगेको छ ।
देशभरका २२ स्थानहरूमा ३५ डिग्री सेल्सियस भन्दा बढीको गर्मी तापक्रम रिपोर्ट गरिएको छ । जुन यस वर्षको उच्चतम् हो । एहिमे प्रिफेक्चरको साइजो शहरमा तापक्रम ३६.५ डिग्री सेल्सियस पुगेको छ ।
जबकि अयाकावा, कागावा प्रिफेक्चर, साथै मिमा, टोकुशिमा प्रिफेक्चर र टोकुशिमा शहरमा ३६.२ डिग्री सेल्सियस रेकर्ड गरिएको छ । यसैबीच अन्य ४१५ स्थानहरूमा ३० डिग्री सेल्सियसभन्दा बढी तापक्रम रेकर्ड गरिएको छ ।
मध्य टोकियोमा यसवर्ष अहिलेसम्मकै सबैभन्दा तातो तापक्रम रहेको छ । अर्कोतर्फ गर्मी अहिलेसम्मकै बढी हुँदा टोकियो लगायतका सहरमा चलहपहल पनि घटेको छ । सँगै अन्य समयको भन्दा तुलनात्मक रुपमा पनि व्यापार घटेको अन्तराष्ट्रिय सञ्चारमाध्यमहरुले जनाएको छ ।
