काठमाडौँ । बङ्गलादेशकी पूर्व प्रधानमन्त्री शेख हसिनालाई जेल सजाय सुनाइएको छ । अन्तराष्ट्रिय अपराध न्यायाधीकरण (आईसीटी)ले हसिनालाई अदालतको अवहेलनाको मुद्दामा ६ महिनाको जेल सजाय सुनाएको हो ।

उनलाई न्यायाधीश एमडी गोलाम मोर्तुजा मोजुम्दारको अध्यक्षतामा रहेको तीन सदस्यीय इजलासले जेल सजाय सुनाएको अन्तराष्ट्रिय सञ्चार माध्यमहरुले जनाएका छन् । 

हसिनामाथि सन् २०२४ को जुलाईमा भएको जनविद्रोहका क्रममा भएको सामूहिक हत्याको आदेश दिएको आरोप छ उनीमाथि सन् २०२४ को जुलाई र अगस्टमा भएका हिंसात्मक दमनको प्रमुख योजना भएको आरोप लगाइएको छ ।

उनी सन् २०२४ अगस्ट ५ मा प्रधानमन्त्री पदबाट राजीनामा दिएर ढाकास्थित निवास खाली गरेर भारततर्फ प्रस्थान गरेकी थिइन् ।