काठमाडौँ । दोलखा र रामेछापको सिमानामा अवस्थित शैलुङ डाँडा आन्तरिक तथा बाह्य पर्यटकको आकर्षक गन्तव्य बन्दै गएको छ । दोलखाको शैलुङ गाउँपालिका र रामेछापको दोरम्बा शैलुङ गाउँपालिकाको सीमामा पर्ने यो डाँडमा पछिल्लो समय पर्यटकको भीड बढ्न थालेको हो ।
समुद्र सतहदेखि ३३ सय मिटरको उचाइमा अवस्थित शैलुङ डाँडा आफ्नो अनुपम प्राकृतिक सौन्दर्यका कारण चर्चित बन्दै गएको छ । यहाँ रहेका १०० फरकफरक आकार र बनोट भएका थुम्काहरुले डाँडालाई अझै मनमोहक बनाएको छ । एकसाथ खुलेको हरियो मैदान र शान्त वातावरणले यहाँ पुग्ने पर्यटकलाई विशेष अनुभव दिन्छ ।
शैलुङ डाँडाबाट अन्नपूर्ण, मनास्लु, गणेश हिमाल, लाङटाङ, गौरीशंकर, सगरमाथासम्मका दर्जनौं हिमशृंखलाहरू अवलोकन गर्न सकिन्छ । विशेषगरी हिमाली दृश्य हेर्ने चाहना भएका पर्यटकका लागि शैलुङ एक आदर्श गन्तव्य बन्दै गएको छ । हिउँदको समयमा सेताम्मे हिउँले ढाकिएको डाँडाको दृश्य झनै मनमोहक हुन्छ भने वसन्त र ग्रीष्म ऋतुमा हरियाली थुम्काले रमणीयता थप्दछ । बाँकी तस्विरमा हेर्नुहोस्:
