काठमाडौँ । प्रभु बैंकले संस्थापक सेयर बिक्रीमा ल्याएको छ । बैंकले असार २३ गतेदेखि आफ्ना संस्थापक सेयरधनीको नाममा रहेको २१ लाख ५ हजार ६ सय ७५ कित्ता संस्थापक सेयर बिक्रीमा ल्याएको हो ।
उक्त सेयरमा जो कोही व्यक्ति, कम्पनी तथा विभिन्न संघ संस्थाहरुले आवेदन दिन सक्नेछन् । यसअघि विद्यमान संस्थापक सेयरधनीहरुले सेयर खरिद नगरेपछि सो सेयर सर्वसाधारण लगानीकर्ताले समेत किन्न सक्ने गरी बिक्री खुला गरिएको बैंकले जनाएको छ ।
बैंकले सो सेयरको मूल्य भने तोकेको छैन । यसमा सेयर खरिद गर्न इच्छुक संस्थापकले आगामी १५ दिनभित्र बैंकको केन्द्रीय कार्यालय बवरमहल, काठमाडौंमा निवेदन पेश गर्नुपर्नेछ ।
