- अर्थ सरोकार सम्बाददाता
काठमाडौं । सहारा विकास बैंकको लिलामी सेयरमा आवेदन दिने समय थप भएको छ । निषेधाज्ञा लगायतका कारण आवेदन दिन समय थप गरेर अब भदौ २३ गतेसम्म पुर्याएको कम्पनीको भनाई छ । यसअघि भदौ ८ गते सोमबारसम्म म्याद तोकिएको थियो । अब समय थपिएर भदौ २३ गतेसम्म भर्न पाइनेछ । बैंकले साउन ३० गतेबाट ९ लाख २१ हजार १४८.७० कित्ता संस्थापक सेयर लिलामी प्रक्रियाबाट बिक्री गर्न लागेको हो ।
यसमा लगानीकर्ताले न्यूनतम १०० रुपैयाँलाई आधार मानेर त्यसभन्दा बढी भाउ तोकी बोलकबोल माध्यमबाट आवेदन दिनुपर्नेछ । उक्त सेयरमा न्यूनतम १ हजार कित्ताका लागि आवेदन दिनुपर्नेछ भने अधिकतम सबै सेयरका लागि आवेदन दिन सकिनेछ ।
बैंकको यो सेयरमा सर्वसाधारण लगानीकर्ताले पनि आवेदन दिन पाउने छन्। यसमा संस्थापकसहित सर्वसाधारण लगानीकर्ता तथा संस्थाहरुले पनि आवेदन दिन सक्नेछन्। कम्पनीले उक्त सेयर भदौ ८ गतेसम्म लगानीकर्ताले बोलकबोल माध्यमबाट आवेदन दिन सकिनेछ।
लगानीकर्ताले बिक्री प्रबन्धक एनआइबीएल एस क्यापिटल लाजिम्पाट र यसका शाखा कार्यालय पुतलीसडक, लगनखेल, पोखरा, बुटवल, वीरगञ्ज र विराटनगरबाट आवेदन दिन सक्नेछन् । त्यसैगरी, ग्रीन डेभलपमेन्ट बैंकको बागलुङबाट आवेदन दिन सक्नेछन् । सहारा विकास बैंकको मलंगवा, बरहथहवा, इश्वरपुर, लालबन्दी र गोडैता शाखा कार्यालयबाट आवेदन दिन सकिनेछ । नेपाल इन्भेष्टमेन्ट बैंकका नारायणगढ, हेटौंडा, बिर्तामोड, जनकपुर, तुल्सीपुर, सुर्खेत, नेपालगन्ज र धनगढी शाखा कार्यालयबाट आवेदन दिन सक्नेछन् ।
