काठमाडौँ । राष्ट्रिय सभामा नेकपा (माओवादी केन्द्र) का सांसद जगप्रसाद शर्माले देश झनै गरिबीको खाडलमा गइरहेको बताएका छन् । राष्ट्रिय सभाको बैठकमा बोल्दै उनले यस्तो बताएका हुन् ।
सांसद शर्माले देशमा गरिबी झनै बढिरहेको, खाद्य संकट र बेरोजगारी पनि दिन प्रतिदिन बढिरहेको जिकिर गरेका छन् । उनले पुँजीगत खर्च हुन नसकेको र आयात बढिरहेको पनि बताएका छन् ।
अर्कोतर्फ निर्यात दिनदिनै कम भइरहेको बताउँदै उनले ऋणको भार थेग्न गाह्रो हुने स्थितिमा देश अघि बढिरहेको पनि बताएका छन् । कुनै महिना एक अर्ब राजश्व बढी उठ्दैमा त्यसलाई आत्मनिर्भरताको विषय बनाएर प्रचार गरेर देश बन्न नसक्ने पनि बताएका छन् ।
त्यस्तै, उनले देश बनाउने कुरालाई केन्द्रबिन्दुमा राखेर अघि बढ्न जरुरी रहेको पनि बताएका छन् ।
