काठमाडौँ । साउन महिना भगवान् शिवको महिना मानिन्छ । त्यसैमाथि सोमबार शिवजीको बार भएकाले आज पशुपतिनाथमा दर्शन गर्न व्रतालु तथा श्रद्धालुको भीड लागेको छ । यस दिन विशेषगरी आशुतोष भगवान् शिवको पूजा तथा आराधना गरिन्छ ।
नेपालमा सौरमास अनुसार सोमबार व्रत गर्ने परम्परा छ । तर, पशुपतिनाथ मन्दिरमा भने चान्द्रमास र सौरमास दुवै अनुसार साउन महिनाका सोमबार विशेष भीड लाग्ने गर्दछ । यसवर्ष पनि साउनको पहिलो सोमबार व्रतालु तथा श्रद्धालुहरू बिहानैदेखि भगवान शिवको दर्शनका लागि लामबद्ध भएका छन् । बाँकी तस्विरमा हेर्नुहोस्ः
